ნოდარ ანდღულაძის სახ. ახალგაზრდა მომღერალთა 1 საერთაშორისო კონკურსი - კონკურსის გამარჯვებულები

2017-03-21

ნოდარ ანდღულაძის სახ. ახალგაზრდა მომღერალთა 1 საერთაშორისო კონკურსი

კონკურსის დამფუძნებლები არიან ე. მიქელაძის სახ. ცენტრალური სამუსიკო სასწავლებელი და ასოციაცია „ლირა“

2017 წლის 14-18 მარტს თბილისში, ევგენი მიქელაძის სახელობის ცენტრალურ სამუსიკო სასწავლებელში ჩატარდა ნოდარ ანდღულაძის სახელობის ახალგაზრდა ვოკალისტთა 1 საერთაშორისო კონკურსი.

კონკურსში მონაწილეობა მიიღო 80–ზე მეტმა ახალგაზრდა კონკურსანტმა, როგორც საქართველოდან, ასევე ჩვენი მეგობარი ქვეყნებიდან – ლიტვიდან, სომხეთიდან, აზერბაიჯანიდან. კონკურსი გაიმართა ოთხ ასაკობრივ კატეგორიაში: 1 კატ – 8–12 წ. 2 კატ. –13-17 წ. 3 კატ. – 18–21 წ. 4 კატ. –22–25 წ.

კონკურსის ჟიურის შემადგენლობაში იყვნენ ცნობილი ქართველი და უცხოელი ვოკალისტები და პედაგოგები – თბილისის სახ. კონსერვატორიის პროფესორი გულიკო კარიაული, იტალიის ოზიმოს მუსიკალური აკადემიის პროფესორი ალა სიმონიშვილი(ჟიურის თავჯდომარე), ვილნიუსის მუსიკისა და თეატრის ინსტიტუტის პროფესორი ირენე ლაურეშიენე, სომხეთის ტენორთა ასოციაციის პრეზიდენტი კარენ ზოგრაბიანი, ევგენი მიქელაძის სახელობის ცენტრალურ სამუსიკო სასწავლებლის პედაგოგი თამარ სარვაზიშვილი და კონცერტმეისტერი ასოც. პროფ. ლანა გულდედავა.

კონკურსი ჩატარდა 2 ტურად ე. მიქელაძის სახ. ცენტრალური სამუსიკო სასწავლებელში: 14–15 მარტს – 1 ტური, 16 მარტს - 2 ტური. გალა კონცერტი გაიმართა 18 მარტს ეროვნული ბიბლიოთეკის საკონცერტო დარბაზში.

ნოდარ ანდღულაძის სახ. ახალგაზრდა მომღერალთა 1 საერთაშორისო კონკურსს ფინანსიური მხარდაჭერა აღმოუჩინა საქართველოს კულტურის სამინისტრომ, თბილისის მერიის კულტურის სამსახურმა და ასოციაცია „ლირამ“.

კონკურსის გამარჯვებულები გახდნენ:

გრან-პრი - ალოიანი მარიამი (სომხეთი)

I ადგილი

კატეგორია A

1.ასმანგულიანი არტიომი /სომხეთი/

2.ბერიშვილი ბაია

3.ხომასურიძე ზურაბი

4.გადილია მარიამი

B კატეგორია

1.გაბუნია მაია

C კატეგორია

1.პაპინაშვილი ქეთევანი