ხალხური სიმღერების გუნდის წარმატება აშშ-ში

 

ევგენი მიქელაძის სახელობის ცენტრალური სამუსიკო სასწავლებლის ხალხური სიმღერების გუნდმა წარმატებით დაასრულა ტური ამერიკის შეერთებულ შტატებში.
- მონაწილეობა მიიღო დენვერში (კოლორადო) გამართულ ფესტივალში - "sing a mile high". გაიმართა სოლო კონცერტი ქალაქ ლიტლიტონშიც;
- ფინიქსში (არიზონა) ჩაატარა ორი სოლო კონცერტი, რომელთაგან ერთ-ერთი გაიმართა არიზონას უნივერსიტეტში. უნივერსიტეტში, გუნდის წევრებმა ხალხური სიმღერების გარდა ქართული ანბანიც წარუდგინეს მსმენელს;
- ფინიქსის შემდეგ გუნდი გაემგზავრა კალიფორნიაში, სადაც მონაწილეობა მიიღო სან-ფრანცისკოს ყური არეალში გამართულ "Golden Gate International Children and Youth Choral Festival"-ში. ფესტივალის ერთ-ერთ ნაწილს შეადგენდა კონკურსი, სადაც ჩვენი მოსწავლეები კვლავ წარმატებით წარსდგნენ მსმენელის და ჟიურის წინაშე, დააგროვეს 100-დან 93.6 ქულა (ოქრო) და მიიღეს ოქროს მეორე ადგილი;
გარდა ფესტივალისა, გაიმართა შეხვედრა სან-ფრანცისკოელ ქართველებთან. 
- სან-ფრანცისკოს შემდგომ, გუნდმა სოლო კონცერტი ჩაატარა ჩრდილოეთ კალიფორნიაში, ქალაქ უალალაში;
- ტურის დასასრულს, გუნდი შეხვდა ლოს-ანჯელესში მცხოვრებ ქართველებს. გუნდმა მათთვის ჩაატარა სოლო კონცერტი და რამოდენიმე წუთით დააბრუნა ემიგრანტები სამშობლოში.