ევგენი მიქელაძის სახელობის ქ. თბილისის
ცენტრალური სამუსიკო სასწავლებელი

ევგენი მიქელაძე

გამოჩენილი ქართველი დირიჟორი. მისმა მოღვაწეობამ წარუშლელი კვალი დატოვა ქართული მუსიკალური ხელოვნების ისტორიაში, ეროვნული საორკესტრო შემსრულებლობის ჩამოყალიბებასა და განვითარებაში ...

Sruliad Naxva

სასწავლებლის ხალხური სიმღერების გუნდის ღონისძიება თიბისი გალერეაში

2019-03-06

5 მარტს თიბისი გალერეაში სასწავლებლის ხალხური სიმღერების გუნდის 2018 წლის აშშ-ს ტურის პრეზენტაცია და ხალხური მუსიკის კონცერტი ჩატარდა. ღონისძიების ფარგლებში მაყურებელს შესაძლებლობა ჰქონდა, გაცნობოდა ფრაგმენტებს დენვერის ფესტივალის - "Sing a Mile High" და სან-ფრანცისკოს ფესტივალის "Golden Gate" გალა კონცერტებიდან. აგრეთვე, წარმოდგენილი იყო ვიდეო-კოლაჟი, რომელიც დეტალურად ასახავდა გუნდის მოგზაურობას ნიუ-იორკში, კოლორადოში, არიზონასა და კალიფორნიაში.

ღონისძიებას ესწრებოდნენ საპატიო სტუმრები: საზოგადოებასთან ურთიერთობის დეპარტამენტის წარმომადგენელი აშშ-ს საელჩოდან, ჩეხეთის რესპუბლიკის კონსული, ყატარის ავიახაზების წარმომადგენელი და სასწავლებლის ადმინისტრაცია. საღამოს უძღვებოდა ტელევიზია "ერთსულოვნების" წამყვანი - თამარ თაგვაძე. 

აღსანიშნავია, რომ ღონისძიებასთან დაკავშირებით 4 მარტს გადაცემაში "ნაშუადღევს" მოეწყო გუნდის გენერალური რეპეტიციის პირდაპირი ჩართვა "თიბისი გალერეიდან".