Switch to English
4-10 ივნისი, პიანისტთა საერთაშორისო კონკურს-ფესტივალი გერმანიაში
4 ივნისიდან 10 ივნისამდე გერმანიაში, ქალაქ ბად-ტოლცში ჩატარდა პიანისტთა საერთაშორისო კონკურს-ფესტივალი - „კლავის-ბავარია“. კონკურსის ჟიურის წევრად მიწვეული იყო ევგენი მიქელაძის სახელობის ცენტრალური სამუსიკო სასწავლებლის დირექტორის მოადგილე - ქალბატონი თინათინ ღვინერია, რომელმაც, ასევე, მონაწილეობა მიიღო კონკურსის ფარგლებში გამართულ სემინარებსა და მასტერ-კლასებში. სასემინარო მუშაობის ფარგლებში მან წაიკითხა მოხსენება ქართული საფორტეპიანო მუსიკის შესახებ და, აგრეთვე, წარადგინა თავისი მონოგრაფია - „საფორტეპიანო მუსიკა მარცხენა ხელისათვის - ისტორია, თეორია, შემსრულებლობა“. ორივე მოხსენებამ მსმენელთა დიდი ინტერესი გამოიწვია.
გარდა ამისა, კონკურსის ორგანიზატორებისგან ქალბატონმა თინამ მიიღო შეთავაზება სპეციალური პრიზის დაწესების შესახებ: პრიზი კლასიკური სონატის საუკეთესო შესრულებისათვის გადაეცა 12 წლის ნორჩ პიანისტს მოსკოვიდან - ანდრეი ფილონოვს.
აღსანიშნავია, რომ ფესტივალზე მოწვეული სტუმრის სტატუსით სოლო კონცერტი გამართა თინა ღვინერიას მოსწავლემ, თათა კვანტალიანმა (მე-10 კლასი). მისმა გამოსვლამ ასევე დიდი წარმატებით ჩაიარა.
იხილეთ დაჯილდოვების ვიდეო: https://www.youtube.com/watch?v=_kF5KWUyhvQ
Facebook: https://urlzs.com/n1amz